Koppam Panchayat Pravasi Koottayam (KPPK) കൊപ്പം പഞ്ചായത്തിലെ എല്ലാ പ്രവാസികളെയും ജാതിമതരാഷ്ട്രീയഭേദമന്യേ ഒരുകുടക്കീഴിൽ കൊണ്ടുവന്ന് പ്രധാനമായും കൂട്ടായ്മയിലെ അംഗങ്ങളായ പ്രവാസികൾക്കും പൊതുവെ നമ്മുടെ പഞ്ചായത്തിലെ ജനങ്ങൾക്കും തണലേകാൻ വേണ്ടിയാണ് കൊപ്പം പഞ്ചായത്ത് പ്രവാസി കൂട്ടായ്മ രൂപീകൃതമായിട്ടുള്ളത്. വ്യക്തമായ ഭരണഘടന അംഗങ്ങളുടെ പൊതുസമ്മതത്തോടെ ആവിഷ്കരിച്ചു അത് രജിസ്റ്റർ ചെയ്തു പ്രവർത്തിക്കുന്ന ഏതെങ്കിലും സ്വതന്ത്രപ്രവാസി സംഘടന നമ്മുടെ കൊപ്പം പഞ്ചായത്തിൽ നിലവിലില്ല. മാത്രമല്ല ഇതുമായി സഹകരിക്കാൻ മുന്നോട്ടുവന്ന എല്ലാ പ്രവാസികളും വാർഷിക വരിസംഘ്യയടച്ചു അംഗത്വമെടുക്കുന്നവരാണ് , അതുകൊണ്ടുതന്നെ മെമ്പർഷിപ്പ് കാർഡും അംഗത്വമെടുക്കുന്നവർക്ക് നൽകിവരുന്നു. "കൊപ്പം പഞ്ചായത്ത് പ്രവാസികൂട്ടായ്മയിലെ" മെമ്പർമാർക്കും കുടുംബാംഗങ്ങൾക്കും അനുകൂല്യങ്ങൾനൽകി സഹകരിക്കാൻ നിരവധി വ്യാപാരസ്ഥാപനങ്ങളും മറ്റും സന്നദ്ധതഅറിയിച്ചത് നമ്മുടെ മുന്നോട്ടുള്ള പ്രയാണത്തിന് ഏറെ ആത്മവിശ്വാസമേകുന്നു. പ്രവാസികളെ ഏകോപിപ്പിച്ചു പ്രവാസികളുടെയും പ്രവാസി കുടുംബങ്ങളുടെയും ക്ഷേമങ്ങളെയും പൊതുവെ പഞ്ചായത്തിലെ ജനങ്ങളെയും മുന്നിൽകണ്ട് 2019 ൽ രൂപീകരിക്കപ്പെട്ട "കൊപ്പം പഞ്ചായത്ത് പ്രവാസി കൂട്ടായ്മ" ചുരുങ്ങിയ ഈ ഒരു കാലയളവിൽത്തന്നെ 600 ഓളം മെമ്പർമാരും അവരുടെ കുടുംബാംഗങ്ങളുൾപ്പെടുന്ന ആയിരങ്ങളുടെയും സജീവ പിന്തുണയോടെ വിജയകരമായി സ്വതന്ത്രമായി മുന്നോട്ടുപോകുന്നു. അതോടൊപ്പം കൂടുതൽ പ്രവാസികൾ കൂട്ടായ്മയിൽ പങ്കുചേരാനായി മുന്നോട്ടുവരുന്നു എന്നതും സന്തോഷമേകുന്നു. കൂട്ടായ്മയിലെ മെമ്പർമാർക്ക് ഭരണഘടനാപരമായി നിർബന്ധിതമായി നൽകേണ്ടുന്ന സഹായങ്ങൾക്കപ്പുറം പഞ്ചായത്തിലെ പൊതുജനോപകാരപ്രദമായ കാര്യങ്ങളിൽ സഹായമേകാൻ കൂട്ടായ്മയിലെ മെമ്പർമാർക്കും മുന്നിട്ടുവന്നു എന്നതും അഭിമാനകരമാണ്. പ്രവാസികൾക്ക് ആശ്വാസമായി എന്നും കൂടെ എന്ന കൂട്ടായ്മയുടെ ആപ്ത വാക്യത്തിനൊപ്പം കൂട്ടായ്മ നാടിനൊപ്പം നാട് കൂട്ടായ്മയോടൊപ്പം എന്നുള്ള വാക്യപരിണാമത്തിനായി നമുക്കൊത്തൊരുമിച്ച് ശ്രമിക്കാം മുന്നേറാം കൊപ്പം പഞ്ചായത്തിലെ എല്ലാ പ്രവാസികൾക്കും കൂട്ടായ്മയിലേക്ക് സ്വാഗതം.